Señorío en Oreña

Señorío en Oreña

Carta de donación a la Iglesia Santa Juliana de Asturias por la reina Dª Urraca en el día 19 de septiembre del año 1111: el abad de Santillana era D. Martín. (Está publicada por D. Eduardo Jusué en 1912 en el Libro de regla de la Colegiata de Santa Juliana de  Santillana del Mar. (Bien de interés cultural).

“In nomine Sancte Trinitatis. Ego Urracha Dei gratia totius Spanie Regina bobis Sancte Iuliane et eiusdem ecclesie abbati Donno Martino et clerecis ibídem in presenti et in futuro deservientibus in Domino Deo eternam salutem. Amen. 

Quando quidem honor et imperium istius mundi sunt causa transitoria quantum ad Dei honorem et futurum ineffabile gaudium, ergo rectum et dignum est ut in quantum possumus deservire et tota mente placere studeamus. 

Qua propter ego iam dicta Regina Donna Urracha pro anima patris mei tantum facio cartam et testamentum supradicte ecclesie Sancte Iuliane de Asturiis, et prefato abbati Donno Martino et clericis  in eadem ecclesie deservientibus de homni hereditate quam habeo in Valle de Horennia per suos terminos antiquos. Ubicumque potueritis invenire eam ab integro in solares, in vineas, in pomares, in ortos, in pratos,  in pascuis, in montes, in fontes, cum exitibus et introitibus, ut abeatis et possideatis vos et qui post vos in ecclesie Sancte Iuliane Deo servierint, et faciatis inde totam vestram voluntatem. 

Dono vobis ut in totam vallem non intret aliqua potestas per nulla voce, nec meus merinus,  nec meus sagio, nec de ullo aliquo homine nisi vester merinus et vester sagio et quem vost ibi post vestram posueritis, nec faciatis inde facendariam nec ad me, nec ad aliquem alium hominem. 

Et si aliquis homo hoc meum regule donum quod ego Regina Dopna Urracha dono ecclesie Sancte Iuliane frangere ausus fuerit, quisquis fuerit sit excomunicatus et cum Iuda traditori penas inferni patiatur, et in super hec scriptura maneat firma. 

Ista carta fuit … sub era Mª. Cª. XLª. VIIIIª, XIII kalendas octobris, regnante eadem Regina in honore patris sui, Miennaia Gutier Fernandez Curialius Maiordomus confirmat, Comes Donus Rodericus Asturiensis confirmat, Didacus Vermundez confirmat, Petrus Assuriz et Comes confirmat, Petrus Gundisalvez de Lara et Comes confirmat, Munio Roderiquiz confirmat, Magistri Petrus Annaiaz cuius ingenio et intimatione hanc cartam Regina Donna Urracha fecit fieri et propia roborare proprio signo confirmo + Martinus Pelagiades Ecclesie Sancti Iacobi canonicus et eo tempore in Curia Reginne Donne Urracce notarius quot scripsit confirmavit, Citi et velliti testes, Martinus qui notuit.”